Transcription
1
Monsegneur, ceste depêche est expresse pour monsieur
2
le president Truchon mais vous y aurés ceste part où ie
3
vous diray que lon tient pour asseuré le despart de Monsegneur
4
à sammedi prochain qui sera le Xe de ce moys. Messieurs d’Evènes
5
et de Laval font estat de partir ^ [^le] lundi suivant avec une
6
bonne companie de leurs amis. Leurs affaires sont reduitz
7
à partir dès demain silz veullent. Les petitz escholiers disnarent
8
dimanche avec eulx. Il ny en a pas ung hors d’appetit. La royne
9
mère est toujours en sa chambre mais nous esperons la voir
10
bien tost. Au reste, monsieur, jay bien le playdoyé par
11
escrit de que monsieur ladvocat Ruzé entend faire contre
12
le sieur de Boyvyn sur le don quil a de la terre de Moras. Il
13
ne parle poinct de celuy que le roy a faict à vous et à monsieur
14
d’Evènes car il nen scait rien, mais il y a plusieurs allegations
15
qui auroint lieu contre vous si vostre qualité et vos services
16
ny respondoint assez. Je me prendray garde à ce quil
17
rapportera de son playdoyé pour tenir la main que rien ne se
18
gaste de ce qui a este faict par vous. Le tresorier Bragelone
19
me dict encor lors quil me bailla sa certification, don ie
20
vous ay escrit cy devant, qu’il est necessaire que vous dressiez
21
votre mandement pour les deniers qu’Hortie a maniés à la
22
forme que monsieur l’auditeur de la Colombière vous dira,
23
dautant quen la closture de son compte la chambre a
24
ordonné que ledit Hortie en viendra compter et quil croit
25
quil en sera appellé. Les grands froydures et gelées se
26
sont resolues puis trois jours en ça en pluyes continuelles
27
par deça que font tant enfler la rivière que les pontz
28
au Change et celuy de St Michel estoit en allarme. Je
29
presente mes très humbles recommandations à votre bonne grace.
30
Priant Dieu,
31
monsegneur, vous donner très longue et heureuse vie.
32
De Paris, ce VIIe janvier 1573.
33
Votre très humble
34
et obeissant serviteur
35
So. de Boczosel